【失業】3個疫市搵外快方法 兼職、炒散、網上拍賣
![【失業】3個疫市搵外快方法 兼職、炒散、網上拍賣 【失業】3個疫市搵外快方法 兼職、炒散、網上拍賣](https://assets-content.moovup.com/images/失業_兼職_臨時工_炒散工作_職位空缺_part-time_網上拍賣.jpg)
香港失業率升至6.6%,達至16年高位,接近25萬人失業。面對失業潮,好多人都一邊做兼職或者臨時工,一邊搵全職。畀人炒咗都唔好氣累,其實仲有好多地方請緊兼職及炒散,而且門㩜低亦無需經驗,有啲時薪仲超過$100。如果屋企有啲唔要嘅嘢亦可以放上網變賣賺錢。Moovup 好工速遞有超過5,000份前線職位空缺,我哋幫大家篩選咗好多part-time同散工畀大家參考。
兼職及炒散工作
1.補習及興趣班老師 - 時薪$130或以上
時薪最高就梗係做補習同興趣班老師,無論係網上同上門補習,都有價有市。
2. 文員 – 時薪 $50-$100
文員工作Moovup 好工速遞有資料輸入員、平面設計師、秘書、行政助理同會計等。搵全職嘅時候,想做啲輕啲鬆嘅part-time,文職工作就最啱你。
3.倉務員/司機送件員 – 時薪 $43-$120
少咗人出街買嘢,反而更多人喺上網購物。跟車、送件員、倉務員嘅職位都隨之增加。如果你識揸車仲可以做司機送件員,人工有機會更高,值得考慮。
4. 保安員– 時薪 $45-$70
香港人口不斷增長,新樓宇亦不斷增加,因此保安員嘅需求都有增無減。考個保安牌其實只需要幾百蚊,上兩日堂,合共16-18個鐘就考到。求職者不妨考返個保安牌,多一技傍身,咁就可以隨時申請做保安員,有多個收入來源。
延伸閱讀:
5. 店務員/售貨員 – 時薪 $50-$70
講到時薪高又唔太辛苦就一定係做售貨員。工作範圍包括有檢查、整理貨品、銷售、收銀、試衣間接待、清潔店舖等有關工作。
6. 收銀員 – 時薪 $40-$60
各大百貨公司,便利店同超級市場長期都需要兼職收銀員,梗有一間喺左近。工作範圍一般包括係處理店舖現金交易、埋數事宜、主動向客人介紹最新產品優惠資訊、推廣活動、接聽電話及協助店舖日常運作。唔需要體力勞動,係一個唔錯嘅選擇。
7. 清潔及洗碗員 – 時薪 $45-$80+
疫情期間,為確保公共衞生,各大酒店、商場、辦公室及私人屋苑都加強清潔及消毒工作。周圍都請緊清潔員同洗碗員,搵下外快都係一個唔錯嘅選擇。
8. 外賣員 – 時薪 $40-$65
受疫情影響,限制2人同枱,6點後無堂食。少咗人出去食飯,就多咗人叫外賣或者買餸自己煮都可以有人專人送上門。有生意就自然會請人,外賣員嘅需求都比平時多。
延伸閱讀:
【失業救濟金2021點申請】5大最新失業綜援/失業救濟金申請詳情及資格
網上拍賣
將自己唔要嘅嘢賣出去,又環保又搵到外快,一舉兩得。市面上有好多拍賣網,只要用電話號碼或者電郵地址就可以建立帳戶。將自己唔要嘅野影張相,寫兩句簡介同標價就可以放上網賣。
立即申請其他行業職位空缺:https://moovup.com/hk/