Moovup

我是僱主

【侍產假】新手爸爸 男性僱員有3日定5日假？

搵工平台Moovup好工速遞 | 2019/10/30

【侍產假】新手爸爸 男性僱員有3日定5日假？

根據【僱傭條例】，由2019年1月18日起，如果男性僱員符合法例規定，就可以就其配偶/伴侶該次分娩享有 5 天侍產假。侍產假由三日增加到五日咁開心，想知道自己合唔合資格申請有薪侍產假就要埋黎睇下喇。

男性僱員需符合以下幾項資格享有侍產假:

  1. 初生嬰兒的父親

  2. 於放取侍產假前連續受僱於同一僱主4星期或以上，而每星期最少工作18小時及

  3. 已按法例的規定通知僱主。

如何申請侍產假？

僱員必須： 喺嬰兒預計出生日期前最少3個月向僱主申請放取侍產假；及放取侍產假前通知僱主放取侍產假嘅確實日期。 如果僱員唔能夠喺上述 3 個月前預先通知僱主，就必須喺放取侍產假前最少5日前通知僱主你放侍產假嘅確實日期。 僱員可以喺嬰兒嘅預計出生日期前4星期至嬰兒實際出生日期當日起計10星期嘅期間內放取侍產假。僱員可連續或分開放取該五日侍產假。

點先可以享有侍產假有薪假期？

如果你喺放取侍產假之前已經按連續性合約受僱不少於 40 個星期；及放取首天侍產假後的 12 個月內向僱主提供嬰兒嘅出生證明書 ，你就可以享有有薪假期。

侍產假有薪假期又點計？

侍產假嘅日薪就等於平日平均工資嘅五分之四。