4個方法幫你減少50%支出|告別購物狂稱號2021
2021年新開始，唔想個個月底都咁難捱，每個月出糧都係還緊上個月嘅卡數？只要願意撿討消費習慣，就算賺得唔多，減少不必要嘅開支，呢度慳啲個度慳啲，儲錢其實唔難。諗清楚先好買其實係一個好空泛嘅概念，實際要做到的確唔容易。跟住呢4個小貼士就可以幫助你告別「購物狂」稱號。
1.進行大掃除
進行一次大掃除可以幫助你撿討自己嘅消費習慣。整理物品嘅時候將所有重覆嘅物品，買完無乜用過，或者成日聲稱將來會用到，但係其實永遠都唔會用嘅物品通通丟棄。雖然一次過丟棄一大堆嘢係會好心痛，但係喺大掃除嘅過程你會發覺有好多嘢買咗無用到，或者唔記得自己已經有，又重覆買一堆相同嘅嘢。撿討自己嘅消費習慣，係建立良好購物習慣嘅好開始。
2. 取消不常用會籍及訂閱
取消健身會籍、唔常用嘅媒體，例如KK Box、Sportfy、Netflix及Apple TV等通通都可以取消。每個月自動轉賬扣數，好容易唔經唔覺咁白白比左好多永遠都唔會用嘅會籍。回顧自己嘅慣常開支，再捨棄不必要開支又係一個好開始。
3.減少進行網購
網上購物好容易失去預算，隨時㩒個制就買到嘢，又唔驚話拎返屋企怕重，一次買一大堆過一兩日就送到嚟屋企，唔覺唔覺又買多左。大家可以嘗試改變購物形式，去實體店舖買嘢，多用現金。去實體店舖買嘢嘅時候，物件嘅重量會自然提醒自己要節制。另外，當你用現金代替信用卡購物，會更加感受到用辛苦錢換一件物品肉痛嘅感覺。如果唔覺自己買多咗係盲點，去實體店舖用現金買嘢就可以幫助自己「 感覺 」到購物嘅「 重量 」，更而提醒自己更節制。
4.建立良好購物習慣
要丟棄一樣舊嘢先去買一樣新嘢，以控制質量。呢個良好購物習慣會幫助你思考乜嘢係需要乜嘢係想要，避免過度消費。只要回想下自己跌入過幾買多送折扣優惠、週年大減價陷阱，多次瘋狂購物之後無窮無盡嘅後悔，推動自己為新一年建立良好購物習慣就更容易啦。