窮遊攻略-去旅行7個慳錢方法2021

1.下晝食大餐夜晚輕食 通常午市都平過晚餐50%或以上，但係食嘅野同份糧就差唔多。大家可以考慮下晝以平啲嘅價錢食飽啲，夜晚就食少啲平啲。

2.信用卡消費 喺外地以信用卡消費時，建議選用當地貨幣付款，避免被信用卡公司收取額外的手續費或費用。

3.機票、酒店一齊訂 預早book定機票同酒店會平啲就係人都知。除此之外其實有啲網站會推出機票、酒店套票優惠，一齊訂會平10%或以上。

4.預早訂購景點套票 除左可以以優惠嘅價錢訂購景點套票，仲可以確保自己唔會錯過景點，一舉兩得。

5.住Airbnb 通常Airbnb都平過酒店，一間屋幾間房，又有廚房。有個私人地方同三五知己夜晚傾計，又可以自己煮飯慳錢。

6.帶輕便行李 想平價去旅行當然唔少得搭廉價航空。通常廉航都唔包括托運行李的費用，只會附送一件有限重量嘅隨身行李。為免自己喺旅行途中買太多野，又要比巨額運行李費用，帶一件輕便行李就岩岩好喇。

7.多行路、善用交通工具 出外旅行人生路不熟，唔識當地語言，有時真係會想搭的士周圍去，不過價錢就唔係咁相宜。其實好多國家嘅交通工具都好方便，只要出發之前做多啲資料搜集，買一張任搭嘅車票就唔洗擔心唔識買飛啦。