大學生搵part time五大考慮因素

1.) 人工

讀書嘅時候返part time都係想搵多D零用錢，人工一定係揀工最大嘅考慮因素。而補習通常都係最高人工嘅首選，人工高，返工時間又彈性。例如Tutor Circle 尋補的補習空缺就有$130-$300一個鐘不等。其次就係做sales，通常都有$45-$80一個鐘。而part time F&B同炒散就大概有$45-$75一個鐘。F&B最輕鬆就一定係做cafe。想知更多 cafe 行業嘅資訊就入黎睇啦。

2.) 工作時間

返工還返工，唔好為左賺少少錢影響學業。其實而家好多工嘅返工時間都好彈性。以前嘅part time一個禮拜可能最少要返幾日。但係而家除左炒散之外，好多工都只係一次性請一日半日不等。咁樣學生就可以更容易咁分配時間，可以就返學時間又唔影響社交。

3.) 未來發展

返part time除左賺錢仲可以學到好多野，為未來畢業搵更好嘅工作裝備自己。例如人際關係、面試技巧、時間、壓力同情緒管理等等。

4.) 工作環境與範圍

見工既時候可以留意下個工作環境，同員工休息室係咪合乎理想。例如有無空間感、冷氣設備，光線係咪充足都好重要。另外，有時招聘廣告未必例明所有大大小小既工作範圍，記得問清楚顧主，然後再考慮係咪適合自己。

5.) 返工地點

返工返學已經花左唔少時間搭車，如果返工又係老遠就真係要諗下值唔值得做。正所謂時間就係金錢。如果返份part time用個幾兩個鐘來回，真係車錢都蝕俾佢。其實而家有好多搵工手機app 都可以幫你filter工作類別同返工地點。咁就可以幫你輕鬆咁搵適合又近自己嘅工啦。