做好呢4件事唔洗驚被裁員|逆市保住飯碗

1.自我反醒工作表現

遲到、早退、馬虎工作呢幾樣低級錯誤一定唔可以出現。以上嘅行為會畀人一種唔可以信賴嘅感覺，如果平時有呢幾樣壞習慣，就記得要改正。除此之外，要自我反醒自己嘅工作表現，盡量做到最好。起碼畀老世感受到你好有誠意喺度做野及珍惜呢個工作機會。

2.提高自己於公司的重要性

喺公司最忌就喺畀老世有一種多你一個唔多，少你一個唔少嘅感覺。喺呢個非常時期，大家都要打醒十二分精神，增加自己喺公司嘅地位。大家可以積極參與公司嘅長期項目，令老世計劃公司未來動向嘅時候都會將你放埋入去。

3.成為僱主智囊

雖然市道唔好，周圍都減省人手。但係每一個老世都明白請一個有能力、處處為老世著想嘅好員工唔容易。多啲喺老世嘅角度著想，提議點樣幫公司維持盈利，成為僱主嘅智囊。

4.與同事保持友好關係

喺工作崗位上做好自己固然重要，但係都唔好睇小與同事保持友好關係嘅重要性。製造一個和諧嘅工作環境喺所有員工嘅責任。除左你嘅個人表現，僱主考慮裁員嘅時候，必然會考慮到對士氣嘅影響。所以由今日開始就和同事打好關係，咁就萬無一失。