【職場心靈雞湯】逆境中5個保持正面心態方法

保持身心健康

除咗經濟壓力，呢個疫症可能為大家帶嚟好多無形嘅心理壓力。經濟因素不明朗、每日都要載口罩出街，限眾令人數不斷更改。喺呢啲今日唔知聽日事嘅心理狀況陪迴，好容易令人儲埋負面思想。除咗要多做運動，注意飲食，保持身體健康。心理健康都好重要，千唔好收埋自己，要多與家人及朋友傾訴，幫助自己時常保持正面思想。

減低負債

如果有金錢上嘅壓力，認該向家人坦誠相告，讓佢地了解你嘅情況，一齊調節屋企嘅開支，共度時艱。同時，要準時繳付定期的供款如按揭和帳單，信用卡唔好只係畀最低還款額，以免要付利息和罰款。

尋求慈善團體協助及自我增值

坊間有不少政府資助或非牟利機構都有提供進修課程或舒緩經濟困難嘅津貼及服務。如有需要，應該盡快尋求協助。另外，空閒嘅時候可以參加免費進修課程，增強自己嘅工作能力，裝備自己，為未來搵到更好嘅工作。

儲備足夠現金

失業率一直上升，大家一定要未雨綢繆，為最壞嘅情況做好打算。由而家開始儲蓄，喺自己嘅正職崗位上做好自己，並且開發更多賺錢途徑，例如做兼職、炒散及網上拍賣，咁就萬無一失。 【疫市搵外快】失業點算好？

控制收支平衡

除咗日常必要開支，所有非必要嘅用品都盡量避免購買。另外，大家可以檢視所有合約形式付費嘅服務，例如家居上網及電話漫遊費用，如果合約就快到期，可以因應需要購買一個更便宜嘅付款計劃或取消服務。