【疫情下轉工轉行】3個實用自我增值方法
疫情下，飲食、零售、旅遊業前景不明朗，面對長時間放無薪假、減薪及裁員風險，好多人會揀轉工轉行，搵新出路。跳出comfort zone及面對減人工風險，感到徬惶係人之常情。無論你係30、40定50歲，想轉行轉工，都需要評估風險，平衡自己心理、財政、家庭負擔嘅承受能力。如果你已經決定離職跳槽，以下有3個正面態度及心理準備建議，可以幫助你更容易渡過轉工轉行轉接期。
定立明確目標 - 每日向目標踏前三步
以香港咖啡沖煮大賽及香港咖啡調酒大賽，第二名得獎者Mandy Kok為例，佢由旅行社文職轉行做咖啡師，兩個完全唔同性質嘅行業，佢嘅成功秘決就係每日向目標踏前三步。Mandy教路，佢每一日我都會做三樣同自己行業相關及自我增值嘅事情，例如試一杯其他同行嘅咖啡、自己試整一杯咖啡新產品及睇一篇關於咖啡嘅資訊。每一日都向目標踏前三步，令自己變得更專業。大家可以由簡單及有興趣嘅事物開始，每日三小步，唔好怕試，唔好怕蝕底，做每一樣野都會有得著。離開舒適區並唔可怕，最後可能仲有更多意想不到嘅驚喜。
努力學習
無經驗轉行、由資深職位變成學徒，要保持謙卑好學嘅態度。平時工作嘅時候可能好忙，無機會留意身邊嘅事物。所以Mandy轉行之後，無論平時出去食飯或者飲野嘅時候都會留意侍應同客人嘅交流，例如落單、推介食物及飲品等。Mandy做旅行社嘅時候性格比較內向，亦唔需要直接服務客人。相反，飲食業、咖啡師呢一行，同客人溝通就好重要。所以佢跳出舒適圈，突破自己，而家同客人溝通已經難佢唔到。Mandy話只要多留意身邊事物、細心啲，其實喺日常生活中會學到好多意想不到嘅新事物。日常生活每一個細節都係學習機會，只要花萬二分嘅努力，即使面對陌生環境，無經驗轉工轉行都可以成功。
轉行成功例子：
【咖啡師入行攻略2020】咖啡師學徒人工、免費咖啡師課程、咖啡比賽
自我增值進修
當定立好轉行方向，就可以開始報讀同目標行業有關嘅課程。所有人都可以由一張白紙變成專家，進修係轉工轉行嘅必經之路。政府推出嘅持續進修基金、僱員再培訓局推行嘅「特別。愛增值」計劃有提供不同嘅免費及資助進修課程，畀各行各業人士報讀。大家都唔好浪費呢啲資源及機會，疫情下雖然好多事情都預料唔到，不防利用空餘時間進修及增值自己，為轉工轉行作好準備。
免費、資助進修課程推介：
【轉行轉工2020】三大轉行職業選擇（內附工作內容、薪金及進修課程詳情）