【新冠肺炎】6款口罩邊款最好？外科口罩、N95？
新冠肺炎疫情持續擴散，成個香港都四圍搵口罩。市面上有咁多種口罩，究竟邊種先喺最好? 我地喺市面上主要會買到6款口罩，分別喺外科口罩、N95口罩、竹炭口罩、聚氨酯口罩、棉布口罩及紗布口罩，價錢由每個$1至$40不等。 當中只有外科及N95口罩有效阻擋細菌及病毒。
-
外科口罩: 最適合一般市民使用，可以預防飛沬傳播嘅呼吸道疾病。 唔少外科口罩包裝盒上標有BFE、PFE、VFE等字樣。
BFE（細菌過濾率）代表細菌過濾效果，外科口罩對BFE的最低要求為95%，如口罩標明BFE≥95%就代表可以有效過濾細菌等平均約3微米的粒子，並能阻擋花粉、飛沬和空氣污染的微粒。 PFE（粒子過濾率）代表粒子過濾效果，數值越高表示過濾平均約0.1微米的粒子的效能越好，根據美國材料和試驗協會（ASTM）的標準，PFE的達95%便有效防範流感、沙士等病毒。 VFE（病毒過濾率）代表病毒過濾效果，針對粒徑0.1至5微米的粒子。有效過濾飛沬傳播的病毒，過率最高的標準，數值愈高阻擋能力愈高。
-
N95口罩: 呢款口罩有分兩種: 醫療用及工業用口罩。型號 1860/1860S/1870 屬於醫療用口罩，能有效阻隔病毒嘅飛沫。而型號 8210/8110/9210 則屬於工業用口罩，主要用於阻隔塵埃，大家要選擇適合自己嘅型號。雖然N95嘅阻隔能力幾乎喺最強，但喺對於一般市民黎講，未必達到最好嘅預防感染效果。N95嘅透氣度比較差，配戴嘅時侯比較容易覺得悶熱，因而喺配戴嘅過程中，經常調整口罩、透口氣，增加未經過濾的空氣吸進人體的機率，提升被傳染的風險。
-
竹炭口罩: 只可以隔除氣味，並不能阻隔病毒。
-
聚氨酯口罩: 只可以過濾花粉及塵埃而非病毒。
-
棉布口罩: 只可以過濾大粒物質，不阻隔病毒
-
紗布口罩: 阻隔力差、空隙大，不阻隔病毒。
聚氨酯、棉布及紗布口罩嘅優點喺可以清洗及重新使用，但係每一次清洗都會減低口罩嘅過濾功能。如果同衣物一齊洗，口罩上嘅細菌會污染衣物。無論戴邊種口罩都記得唔好經常用手觸摸口罩，避免污染口罩。每日都勤洗手、每次最少二十秒、多飲水保持喉嚨濕潤、保持身體健康，咁就萬無一失啦。