【求職騙案】最新手法 - 拆解網上市場營銷求職騙案

【求職騙案】最新手法 - 拆解網上市場營銷求職騙案

近日有唔少求職廣告騙案,當中網上市場營銷 (online marketing) 類別就佔非常多。通常呢一類型嘅騙案都會標榜彈性工作時間、地點、無需經驗、簡單申請及不需學歷証明等字眼吸引求職者。同時又唔會提供明確工作性質及薪酬回報等資料,例如在家輕鬆上班及$3000-$20000單次利潤等字眼。呢一類型嘅騙案會令求職心切嘅求職者墮入揾工陷阱,從而騙取金錢或個人資料作不法用途。

以下三類方水土山最常見:

1.繳交抵押金或手續費

騙徒會以高薪招募網絡打手、打字員等全職或兼職工作為名去吸引求職者申請工作,然後要求求職者返工之前先繳交抵押金或手續費,後安排工作,但最後失去聯絡及無提供真正工作。

網上求職騙案-網上市場營銷

2.開立銀行帳戶轉移金錢

有好多所謂嘅一次性高利潤回報及即時出糧工作,就喺要求求職者提供或申請銀行戶口,將不明來歷嘅金錢轉移到多個不明戶口。騙徒利用求職者想搵快錢嘅心態,利誘佢地喺唔知情嘅情况底下幫助跨國不法集團洗黑錢,承受因為洗黑錢罪名被留案低及被判入獄的風險。

開立網上銀行帳戶以獲得高薪回報

3.盜用個人資料

喺面試期間騙徒會要求求職者提重要個人資料,例如新份証明文件、住址証明或銀行戶口資料,然後喺受害人不知情底下,以受害人名義向財務公司申請貸款,又或者喺面試期間直接要求求職者借貸,當作係工作嘅一部份。最後受害者唔單止得唔到報酬及工作機會,仲可能無辜地欠下一身債,影響信貸記錄、前途及日後申請專業工作嘅機會。如果受害人無力償還債務,仲有可能需要申請破產,後果可大可小。 喺面試之前記得查證公司嘅真確性,如果工作空缺工作內容含糊,聲稱提供異常優厚嘅報酬及待遇,並與工作和學歷要求不符,求職者應抱持懷疑態度及與家人朋友商量。Moovup為保障僱主及求職者嘅權益,我地會對所有喺我地平台刊登嘅招聘廣告進行檢視。所有不能提供有效商業登記證、公司資料及業務、工作性質及薪酬回報內容含糊嘅有關帳戶都會被停用及移除有關招聘廣告。所以大家可以放心用我哋嘅平台搵工。如有懷疑遇到求職廣告騙案,都可以致電24小時「防騙易」諮詢熱線18222向警方查詢或求助。