【兼職全職】做幾份兼職定一份全職好？

兼職好處

彈性工作時間，地點，工作壓力比較低，選擇工作多樣化，比較有趣味。有時做幾份兼職仲搵得多過一份全職。如果時間管理做得好，話唔定可以有好多空餘時間。

兼職壞處

僱員如果連續受僱於同一僱主4星期或以上，而每星期最少工作18小時，佢嘅僱傭合約就屬於「連續性合約」。連續受僱嘅僱員更可享有如休息日、有薪年假及疾病津貼等嘅權益。但係如果你兼職任期少於4星期，就無左有薪假期及疾病津貼。除此之外，通常一間公司請兼職都係幫補全職同事喺煩忙時間嘅工作量，呢一類型嘅需求都係好季節性，所以返工及出糧時間會好唔穩定。

全職好處

正正經經打份長工，有穩定收入係好多人嘅選擇。有好多大公司都有好好嘅配套，例如員工福利、退休金、有薪假期、病假及年度薪金增長。

全職壞處

做全職通常需要負嘅責任比較多，工作單一及工作時間長。 總括黎講，做兼職固然係自由，但係自由嘅代價就係無左員工福利、退休金、有薪假期、病假、穩定薪金及年度薪金增長。長遠計如果選擇一直做兼職，就需要做好時間管理，並且有一定嘅退休金儲蓄保障自己。選擇做一份全職雖然無咁自由，責任更多。但係只要你一心一意做好本份，就可以享受安穩嘅公司福利，放工再享受你嘅自由啦。