【保險入行2021】27歲年薪過百萬（一文睇晒保險入行邊間好、保險牌考試、底薪、收入、都市傳說）
做保險過往畀人有好多負面印象，例如保險呃人、無底薪、做到無朋友、難做及要狂打cold call等。因為疫情影響，失業率大增，Vivian話平均每月有200幾個人入行，2020年9月就有超過500人喺佢工作緊嘅保險公司上牌，比平時超出一倍。加上而家有保監局監管保險行業，比起以前大家對保險業嘅接受程度、睇法都改觀不少及更加放心。
想入行做保險經紀必需要滿足以下條件及過兩關：
- 年滿18歲；
- DSE 5科成績第2級或以上（其中必有中/英文+數學）或 會考5科E級或以上（其中必有中/英文+數學）或 完成Diploma（*保監局個別評論其資格合格與否）及
- 無刑事紀錄及經過信譽品格審查。
入行做保險第一關：
考保險試
保險業有六份試卷，大家可以喺 高峰進修學院（VTC） 考試及取得專業認可資格。唔同考試可以得到各種認可資格及賣唔同類型嘅保險。有興趣入保險行業嘅人士最少要通過 試卷一 （保險原理及實務）及 試卷三 （長期保險）。不過通常保險公司都會要求你考晒 卷一至卷五 ，集齊大部份專業資格賣唔同類型嘅保險。詳細內容可以參考以下圖表：
考試 - 考試範圍
- 卷一 - 保險原理及實務
- 卷二 - 一般保險
- 卷三 - 長期保險
- 卷四 - 強制性公積金計劃考試
- 卷五 - 投資長相連長期保險
- 卷六 - 旅遊保險代理人考試
入行做保險第二關：
保險公司評核
一般保險公司公司會安排一個五至七日嘅內部保險課程畀保險agent，並安排一個內部牌照考試，確保每個保險agent都接受專業訓練。最後，上司就會安排準保險經紀申請上牌正式成為保險經紀。 Vivian 話保險牌並唔難考，一般人只需要用一至兩個月就可以考晒所有牌，並正式上牌做 保險經紀 ，所以大家唔需要太過擔心。
香港咁多間保險公司，揀邊間最好？
入行做保險有兩個主要重要嘅考慮因素：1揀公司 、2揀團隊。
Vivian 建議大家去幾間保險公司見工對比下佢地嘅公司文化、規模、員工年齡層評估下邊間公司適合自己。當揀好咗入邊間保險公司就要揀入邊個團隊。 Vivian 話入適合自己嘅團隊係取決你會唔會成功好重要嘅因素。每個團隊都有自己嘅特性，例如個人表現型、團隊互相幫助型。團隊主要客戶來源公司或散戶、內地、本地客戶。團隊年齡層，偏年輕、成熟或涉獵不同年齡層？要多方面分析邊個團隊最適合自己可以幫助你事業更加成功，所以揀一個啱自己嘅團隊係非常之重要。
如果想了解保險行業，但係又唔想直接做Agent，可以點做?
有興趣入保險行業嘅人可以從行內其他崗位觀察呢個行業，例如保險實習生（intern）、秘書及marketing開始做起。除咗實習生未必會被支薪之外，其他崗位嘅月薪大概由$11,000到$30,000不等。
做保險經紀底薪及收入？
做保險係冇底薪嘅概念，而且係自僱人士。保險經紀第一年會有公司津貼，每月嘅津貼介乎$6000到$30,000不等。公司會視乎你以往嘅工作經驗/行業嘅相關程度去定你嘅津貼，由入行第二年開始，保險公司就唔會再提供津貼。一般領取津貼嘅條件係保險經紀需要達到及與公司維持至少三年的合約要求，否則保險經紀需要全數交還所有公司津貼。除咗公司喺第一年發放嘅津貼之外，保險經紀嘅主要收入就係保單嘅佣金及招募新人入行嘅獎金及佣金。佣金率多少視乎不同類型嘅保險產品及供款年期而定：新保單嘅首年佣金率最高，隨著保單每年續保，佣金率亦會漸漸遞減至某個固定數字。
保險呃人、難做、做到無朋友?
保險呢個產品唔會呃人。保險業或者有存在害群之馬，不過每個行業都會有欠缺職業操守嘅人。如果大家只係聽到一兩個都市傳說就否定成個保險業嘅專業就唔夠客觀及持平。另外，保監會亦會嚴格管制保險業，保持 保險從業員 嘅質素，大家可以放心。每份工作都要付出努力先會得到回報，而做 保險經紀 更加係多勞多得。做保險經紀無底薪，收入來源主要係從新保單，續保佣金、客戶轉介及招募新 保險經紀 就為主要收入來源。只要努力開發新客源及招募 新人 加入，最後都會得到相對嘅收入回報。另外，如果一個人只會建立友誼於利益關係上，咁呢個絕對係個人價值觀嘅問題，而並非係行業本身嘅問題。個別人士嘅職業操守問題並唔能夠代表整個保險行業都存在同樣嘅問題。
如果有興趣了解現時自己的保險夠唔夠保障或者入行創一番事業，歡迎直接聯絡 Vivian 。
伸延閱讀：
【MDRT2021】MDRT百萬圓桌會員資格、收入、好處？ 27歲MDRT分享做保險年薪百萬秘訣