【自我增值2021】3個方法增加收入（內附免費課程、副業及被動收入資訊）
增加額外收入有好多方法，不斷自我增值及進修喺職場上可以幫助你時常保持競爭力，升職、加人工都會更容易。除咗持續進修及增加技能之外，理財都好重要。愈早開始實踐儲蓄及理財計劃，可以幫助我地類積財富。如果賺幾多洗幾多，完全無理財概念，最後我地只能不停用勞力及時間換取金錢。所有投資自己及理財一樣咁重要。
1.免費及資助課程
持續進修及增加技能可以保持自己嘅市場競爭力。當選擇進修課程嘅時候，最好選擇一啲自己感興趣及與正職有關嘅課程，幫助自己更有動力進修，不斷增值學習。一個有多元技能嘅員工，喺職場上絕對有更大升職及加薪嘅機會。香港人工作時間長，好多打工仔都會覺得自己連休息時間都唔夠，仲講咩進修？不過辦法總比困難多，就算有幾忙，總可以抽出一兩個鐘嘅時間進修。最重要係你今日付出嘅努力，將來必定會得到值回票價嘅回報。如果你需要照顧子女及長時間工作，坊間有好多社福機構提供託兒服務及免費進修課程供有需要嘅市民。例如，香港婦女中心協會就有提供免費進修課程及託兒服務幫助，佢地嘅中心遍佈九龍新界，帶需要嘅可以同佢地聯絡。
如果資金有限，可以用政府資助嘅$20,000持續進修基金及僱員再培訓局（ERB）資助嘅「特別‧愛增值」計劃報讀各行各業嘅進修課程。持續進修基金首10,000港元資助嘅學員共付比率（即學員本身需負擔的費用嘅百分比）為課程費用嘅20%，而次10,000港元資助嘅學員共付比率則為課程費用的40%。而僱員再培訓局（ERB）就會以學員嘅收入定立唔同級別嘅學費資助。例如月薪收入$12,000或以下可享有全數豁免繳費、月薪收入$12,000或以上只要支付$375學費、月薪收入$20,000或以上就要支付$1,250學費。詳情可向僱員再培訓局（ERB）查詢。另外，想追上資訊科技發展嘅資識，網上亦有提供實用免費課程，上完堂仲可以考埋受應可嘅專業證書，例如數碼營銷、事業發展數據及資料與科技等，大家可以去Google網上課程網站瀏覽更多。
2.副業
發展副業係增加收入最直接嘅方法，善用公餘時間打多份工，喺疫情經濟轉差嘅情況之下，就算唔好彩無咗份正職都唔驚無飯開。如果做得好分分鐘仲搵得多過份正職，擁有多元技能仲可以幫助你事業發展有更多可能性。打工仔可以考慮做兼職營業代表、興趣班導師、設計、顧問等工作。如果善長社交媒體及網頁運作，更可以考慮做開網店及編輯寫作類型的工作。如果無咩等別技能，市面上都有好多唔同類型嘅兼職及炒散供大家選擇。如果需要應付燃眉之急，大家仲可以將屋企唔用嘅嘢放上網上拍賣。
3.被動收入
慳錢係良好嘅習慣，不過只係慳錢並唔足夠。與期用所有精力慳一分一毫，其實打工仔仲可以嘗試花時間進修學習唔同滾存利息嘅定期儲蓄計劃嘅分別，例如銀行定期存款、基金、年金及保險。盡早開始用雪球效應賺取利息嘅方法儲蓄，儲到嘅錢就愈多。大家可以衡量自己承受風險嘅能力，再決定購買咩類型嘅定期儲蓄計劃。