【搵工App】CV電子版最新範本2021 |Moovup好工速遞新功能

【搵工App】CV電子版最新範本2021 |Moovup好工速遞新功能

僱主通常都會以求職者嘅工作經驗、技能、學歷,去篩選合適嘅人選。一份工有咁多人申請,如果想增加受聘機會,填個簡單履歷(CV)就得喇!我地呢個簡易CV取代左傳統嘅履歷,用同一份CV可以一次過申請唔同嘅工作,求職者可以慳返好多時間。電子CV包含姓名、電話號碼、相片、自我介紹、工作經驗、許可證和技能、教育程度及語言能力。僱主可以透過CV更加了解你有幾適合份工。立即學下點整一份完整、簡單易明嘅CV去吸引僱主啦。

Moovup好唔好
  1. 電話號碼 電話號碼本來就已經喺你登記做會員嘅時候加左入去,無需填寫。

  2. 姓名 僱主會用電話或whatsapp聯絡求職者面試,記得加返入去喇。

  3. 照片(加分位) 有好多求職者都會忽略上載照片呢個步驟,為左加深僱主對你嘅引象,上載一張個人大頭近照係不可缺少嘅。記得係一張大概半年之內嘅近照,照片最好係影到由頭到頸嘅位置,無需要影全身或加入其他人。

  4. 自我介紹 為方便僱主更加了解你,於自我介紹,你可以總括自己嘅強項、個性及工作態度。

  5. 工作經驗 你可以詳細填寫過往嘅工作經驗,包括受僱形式、工作職位、種類、公司名稱、年資及職位描述。求職者可自行決定填寫幾多工作經驗,不過資料愈詳細愈幫助到僱主了解你嘅你係咪適合份工,增加受聘機會。

  6. 許可證和技能(加分位) 想突出自己嘅長處,呢個部份就一定要填喇!你可以填寫你嘅許可證和技能,例如駕駛執照、雅思(IELTS)、急救、微軟Excel、微軟Word、中文輸入、縫紉及設計等。

  7. 教育程度 電子CV己經提供由小學到大學嘅按鈕選項,你只需要選擇你嘅教育程度就得喇,簡單又快捷。

  8. 語言能力 語言能力有口語及書寫能力二個部分。你可以用電子CV提供嘅5個拇指按鈕去表達你廣東話、普通話及英語嘅口語能力及中、英文嘅書寫能力。一個拇指圖案就係最基本,五個拇指圖案就係最優良,如此類推

**愛心提示:身分證號碼、詳細住址等敏感嘅個人私隱資料,係無需填寫。